Në qytetin turk të Izmirit, këtë mëngjes pati një sulm të rëndë ndaj stacionit të policisë, në të cilin u vranë dy oficerë policie dhe një u plagos, konfirmuan autoritetet turke.

Sulmi ndodhi rreth orës 8:30 të mëngjesit në vendbanimin Balçova, kur një 16-vjeçar i identifikuar si Eren Bigül, doli përpara stacionit të policisë Salih İşgören me një pushkë gjahu dhe qëlloi.

Sipas informacionit zyrtar, një polic u plagos, ndërsa dy të tjerë u vranë.

BREAKING: 16-year-old gunman attacks police station in western province of Izmir in Turkey, killing 2 police officers. Video shows moment suspect was shot. pic.twitter.com/OT0x1Ydtfd

— AZ Intel (@AZ_Intel_) September 8, 2025

Polici i plagosur u transferua në Spitalin Kërkimor dhe Klinik të Universitetit Dokuz Eylül, ku mori ndihmë mjekësore.

Sulmuesi u përpoq të shpëtonte pasi hapi zjarr, por qytetarët e mposhtën atë në një veprim spektakolar – sulmuesi u qëllua fillimisht dhe më pas u godit nga një kalimtar me një karrige, gjë që i lejoi të tjerëve ta rrëzonin përtokë dhe ta dorëzonin në polici.

Videoja e arrestimit u përhap shpejt në rrjetet sociale në Turqi.

Ministri i Brendshëm Ali Yerlikaya konfirmoi se sulmuesi u arrestua, ndërsa Ministri i Drejtësisë Yılmaz Tunç njoftoi se Prokuroria e Izmirit hapi një hetim të detajuar për këtë sulm.

Motivet pas sulmit të të miturit janë ende të panjohura. /Telegrafi/